Manger

	Manger
	tettstad
Land	Noreg
Fylke	Vestland
Kommune	Alver
Areal	1,06 km²
Folketal	1 141 (2023)
Folketettleik	1 076 / km²
Postnummer	5936 MANGER
	; Manger; 60°38′38″N 5°02′29″E / 60.643889°N 5.041389°E
	Wikimedia Commons: Manger, Alver

Manger er namnet på ein tettstad i Alver kommune i Vestland, på eit tidlegare prestegjeld i tidlegare Radøy kommune og på eit sokn, og det var tidlegare namnet på ein kommune i Nordhordland. Tettstaden har 1 141 innbyggjarar per 1. januar 2023.

Bygda og tettstaden Manger

Manger er ein tettstad som er kommunesenter i Radøy kommune i Hordaland fylke. Staden ligg vest på Radøya. Riksveg 56 går gjennom staden.

Manger folkehøgskule som mellom anna har musikklinje spesialretta for messingblåsarar og slagverkarar ligg i bygda, og saman med mellom andre Manger Musikklag har det vore medverkande til at det har utvikla seg eit rikt korpsmusikkliv i området.

Også idrettsmiljøet på Manger er godt. Blant anna husar bygda den norske bordtennisspelaren Tommy Urhaug som har fleire VM- og EM-gull. Det finst ein symje- og idrettshall i bygda, Radøyhallen. Der trenar mellom anna Radøy Symjeklubb. I hjarta av bygda ligg hovudsetet for Radøy/Manger Fotballklubb. Det har også vore eit godt sykkel- og friidrettsmiljø i bygda.

Prestegjeldet og kyrkjesoknet Manger

Manger var eit prestegjeld i Nordhordland prosti i Bjørgvin bispedøme i Den norske kyrkja. Prestegjeldet famna same område som Radøy kommune, og hadde tre sokn; Hordabø, Manger og Sæbø. Desse sokna tilsvarar stort sett dei tre tidlegare kommunane med same namn. Det er fire kyrkjer i prestegjeldet; Hordabø kyrkje, Manger kyrkje, Sæbø kyrkje og Emigrantkyrkja på Sletta. I tillegg var prestegjeldet medeigar i Fjon fjellkyrkje.

Den tidlegare kommunen Manger

Manger vart eigen heradskommune frå 1838 i samsvar med formannskapslovene av 1837. Etter kvart vart sokna Herdla, Hjelme, Sæbø og Hordabø delt i frå til eigne sjølvstendige heradskommunar. Ved kommunesamanslåinga gjeldande frå 1964 gjekk Manger kommune inn i den nye Radøy kommune, saman med kommunane Sæbø og Hordabø. Kommunen låg i Nordhordland, og før kommunesamanslåinga i 1964 grensa dåverande Manger mot Hordabø kommune i nord, til Lindås i aust, til Sæbø i sør og til Hjelme kommune i vest.

Folketalsutvikling

Folketalsutvikling for tidlegare Manger kommune frå 1930 til 1963:

1.12.1930^[1]	3.12.1946^[1]	1.1.1951^[2]	1.1.1961^[2]	1.1.1964
1450	1555	1367	1312	1344

Kjelder

↑ ^1,0 ^1,1 Statistisk årbok for Norge 69. årgang, 1950 (Statistisk sentralbyrå, 1950)
↑ ^2,0 ^2,1 Folkemengd i Manger 1. januar kvart år frå 1951, frå Statistisk sentralbyrå

Denne geografiartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.

[ssb1950-1] 1,0 ^1,1 Statistisk årbok for Norge 69. årgang, 1950 (Statistisk sentralbyrå, 1950)

[ssb-2] 2,0 ^2,1 Folkemengd i Manger 1. januar kvart år frå 1951, frå Statistisk sentralbyrå

[1]

[2]