Gamay
Ech gamay obin noért gamay N ch’est un vin pi un tipe ed plant d'vingne (un chépage) ed tchuve franchoés qui vyint d’Bourgonne moais qu’o produit itou dins ch’Vau d'Loére. Il est perfoés lonmè noért gamay à blanc jus obin gamay noir à jus blanc, por foaire unne difrinche d’avuc ses cousins.
Douqu’i vyint ?
[éditer | modifier ech wikicode]O sait qu’ech gamay i vyint d’ech liu-dit Gamay prés d’Beaune in Bourgonne.
À ch’Moéyin Age, ch’Gamay il o ‘tè granmint plantè dins tout ch’téritoére d’Bourgonne pi, conme ch’Gamay i put produire pus ed vin qu’d’eutes chépages, ch’Gamay il o vite concurinchè ch’noért pinot. Conme ch’Gamay il étoét pus produiseus, l’qualitè al o cminchè à boaissier, pi l’réputacion à ches vins d’Bourgonne itou. Filipe ech Hardi, ch’Duc ed Bourgonne, i cminchoét itou à nin avoér assez d’ches vins Gamay, pi conme i craingnoét por el réputacions à ches vins d’Bourgonne, il o donnè chl’orde d’aratcher ches vingnes ed Gamay dusqu’à Mâcon in 1375 por les rimplacher per eds vingnes ed noért pinot. À chole époke, ch’Gamay est décrit per ech Duc ed Bourgonne conme un « vil et desloyal plant » (unne mawaise plante déloéïale). Edpis, ch’Gamay il est réservè por ech Beaujolais.
Pus tard, ches vins d’ech Beaujolais is vont ète formint réputès, adon o vo itou esporter ch’Gamay dins d’eutes régions conme dins ch’Vau d'Loére