ngroh

NGROH kal.

1. E bëj të ngrohtë, i ngre pak temperaturën; i heq të ftohtët, i kthej ngrohtësinë; kund. ftoh. Ngroh dhomën (zyrën, shtëpinë) Ngroh ujin (qumështin, gjellën). Ngroh duart (këmbët). Ngroh në zjarr. Fërkoj duart për t'i ngrohur. Ngroh vezët rri sipër vezëve derisa të dalin zogjtë (për shpendët).
2. vet. veta III. Lëshon ngrohtësi, jep ngrohtësi Ngroh dielli. Ngroh zjarri (soba).
3. fig. I jap zemër me fjalë të mira e me qëndrim të afërt; i ngjall besim e shpresë për diçka; e afroj. I ngroh zemrën (shpirtin). Fjalët e tij na ngrohën. Lajmi na ngrohu. Ai s'më ngroh nuk kam shumë shpresë tek ai, nuk i kam aq besim. Kjo punë s'më ngroh. Ato fjalë s'më ngrohin.
As të ngroh, as të ftoh
a) nuk të bën as mirë, as keq; nuk shqetësohet fare;
b) nuk të lë mbresa, nuk të prek fare (një njeri, një vepër etj.);
c) është pa vlerë, pa dobi. E ngroh (e mbuloj) në hi shih te HI,~RI. Ngroh vezët rri kot, rri pa punë; e merr një punë tepër ngadalë. Ia ngrohu xhepin dikujt ia mbushi xhepin me para, i dha një shumë të mirë të hollash. S'ma ngroh zemrën nuk më kënaq, nuk më pëlqen; nuk kam besim se mund të arrihet një gjë ose se dikush mund ta kryejë një punë. Dielli ngroh (lind) për të gjithë fj. u. shih te DIELL~I. Flaka të djeg, prushi të ngroh fj. u. shih te PRUSH,~I.