Ipinda

Kata ya Ipinda
Kata ya Ipinda Mahali pa Ipinda katika Tanzania
Majiranukta: 9°29′0″S 33°54′0″E
Nchi	Tanzania
Mkoa	Mbeya
Wilaya	Kyela
Idadi ya wakazi
- Wakazi kwa ujumla	27,665

Ipinda ni kata ya Wilaya ya Kyela katika Mkoa wa Mbeya, Tanzania.

Kata ya Ipinda inaundwa na vijiji vya Ipinda, Ikulu, Kafundo, Kisale, Bujela, Mabunga, Kanga, Ikumbilo, Kingili na Lupaso.

Kata ya Ipinda ina mito kama vile mto Lufilyo, mto Kanga, mto Ngugwisi, mto Kasyabone na mto Ipinda.

Pia, kata hiyo ina ziwa lenye asili ya volkano liitwalo ziwa Kingili.

Msimbo wa posta ni 53711.

Katika sensa iliyofanyika mwaka 2022 wakazi walihesabika kuwa 27,665 . Wakati wa sensa iliyofanyika mwaka wa 2012, kata ilikuwa na wakazi wapatao 20,847 walioishi humo.

Ipinda inakaliwa na jamii ya Wanyakyusa waishio kaskazini mwa ziwa Nyasa ikiwa kama jamii tawala. Pia imechanganyika na watu waliohamia humo kutoka makabila mbalimbali kama vile Wakinga, Wangoni, Wahehe.

Wakazi hao hujishughulisha hasa na kilimo cha mpunga kikiwa kama kilimo kikuu kwao kwani wanalitegemea zao hilo kwa chakula na biashara. Pia, wakazi wa Ipinda wanazalisha michikichi na kakao kama mazao ya biashara.

Pamoja na hayo Ipinda ni kata yenye huduma mbalimbali za kijamii kama vile kituo cha afya kikubwa kifahamikacho kama kituo cha afya Ipinda, pia Ipinda ina shule tatu za sekondari amabazo ni Ipinda, Dinnob na Kafundo. Zile za msingi ni Ipinda, Mwenge, Ikilu, Jitegemee, Kafundo, Kanga, Kisale, Lupaso na Mabunga.

Marejeo

Makala hii kuhusu maeneo ya Mkoa wa Mbeya bado ni mbegu. Je unajua kitu kuhusu Ipinda kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. Tafadhali usiingize majina ya maafisa au viongozi wa sasa maana wanabadilika mno.