Il-politika dwar il-cookies 

Sabiex inwettqu d-dmirijiet tagħna lejn iċ-ċittadini tal-UE, aħna nqiegħdu xi cookies fuq l-apparat tiegħek. Cookie hija biċċa data żgħira li sit web jaħżen fuq l-apparat tal-viżitatur biex itejjeb l-esperjenza tan-navigazzjoni. Aħna nqiegħdu dawn il-cookies f’konformità sħiħa mad-Direttiva 2002/58/KE li, flimkien mar-Regolament (UE) 2018/1725, tiddetermina r-regoli għall-użu ta’ cookies li jipproċessaw data personali mill-utenti finali fl-UE.

Din il-politika dwar il-cookies tkopri s-siti web li nippubblikaw u nagħmlu disponibbli fuq l-internet taħt id-dominju europarl.europa.eu u s-sottodominji tiegħu.

MA tapplikax għal kwalunkwe sit web ippubblikat taħt dominju għajr europarl.europa.eu. Is-siti web “esterni” kollha jrid ikollhom il-politika u l-inventarju tal-cookies tagħhom stess.

Aħna nużaw il-cookies għall-funzjonament tekniku tas-siti web li aħna responsabbli għalihom u, jekk tagħti l-kunsens tiegħek, biex niġbru informazzjoni dwar l-esperjenza tal-ibbrawżjar tiegħek fuq is-siti web tagħna għal statistika aggregata, bl-għan li ntejbu l-komunikazzjonijiet tagħna u s-servizzi li noffru.

Il-politika tagħna hija li nillimitaw kemm jista’ jkun il-cookies li naħżnu fuq l-apparat tiegħek. Jekk il-cookie ma tkunx essenzjali, ma naħżnuhiex.

Aħna nużaw tipi differenti ta’ cookies li huma maħsuba għal skopijiet differenti.

Il-cookies tekniċi u ta’ sessjoni

Il-cookies tekniċi u ta’ sessjoni li nistgħu naħżnu huma meħtieġa biex is-siti web tagħna jiffunzjonaw b’mod korrett, u għalhekk jitqiesu obbligatorji. Ninstallawhom b’mod awtomatiku fuq l-apparat tiegħek.

Cookies ta’ preferenzi

Il-cookies ta’ preferenzi li nistgħu naħżnu jimmaniġġjaw żewġ aspetti:

• il-preferenza lingwistika tiegħek (pjuttost utli, peress li l-biċċa l-kbira tas-siti web tagħna huma f’24 lingwa);
• il-kunsens tiegħek, jew le, biex tiġi traċċat mill-għodda analitika tal-web tagħna.

Il-cookies analitiċi
Il-cookies analitiċi li nistgħu naħżnu fuq l-apparat tiegħek għandhom l-għan li jiġbru informazzjoni statistika dwar kif jintużaw is-siti web tagħna. Dawn il-cookies huma fakultattivi.

Il-lista tal-cookies li nistgħu naħżnu hija disponibbli fuq il-paġna tal-inventarju tal-cookies tagħna.

Lejn xiex jimmiraw il-cookies analitiċi tagħna?

Aħna kkonfigurajna din l-għodda sabiex nillimitaw kemm jista’ jkun il-ġbir tad-data personali tal-utenti tagħna. Pereżempju, implimentajna l-anonimizzazzjoni tal-indirizz IP, billi awtomatikament inneħħu l-aħħar ottet (l-aħħar tliet ċifri) mill-indirizz IP ta’ kull viżitatur (protokoll tal-internet), u b’hekk ikun impossibbli li l-viżitaturi jiġu identifikati permezz tal-indirizz IP tagħhom biss.

Aħna nużaw il-cookies maħżuna fuq l-apparat tiegħek biex niġbru l-informazzjoni li ġejja:

• L-indirizz IP (anonimizzat);
• Is-sorsi (tipi, kampanji, dominji, eċċ.);
• Il-kontenut li l-utent ikun qed jara (titlu tal-paġna, konfigurazzjonijiet editorjali tal-paġna, parametri tal-paġni, URL u URL kanoniku, lingwa, eċċ.);
• Il-ġeolokalizzazzjoni (pajjiż, reġjun, belt);
• Il-profili tekniċi (tagħmir, sistema operattiva, brawżers, daqs tal-iskrin, eċċ.);
• Il-perjodi (id-data u l-ħin taż-żjara fis-sit, iż-żona tal-ħin tal-utent);
• It-tfittxija fis-sit;
• L-avvenimenti (klikks fuq il-kontenut tagħna, fuq il-buttuni għall-azzjoni, eċċ.);
• Fajls li ġew ikklikkjati u mniżżla;
• Id-dominji (links għal sit web estern, is-sit web ta’ referenza).

Il-lista tal-cookies analitiċi tagħna hija disponibbli fuq il-paġna tal-inventarju tal-cookies tagħna.

Tista’ tikkonsulta wkoll l-avviż tal-għodda analitika tal-web tagħna fir-Reġistru tal-Protezzjoni tad-Data tagħna.

Tista’ taċċetta jew tirrifjuta l-cookies analitiċi tagħna permezz tal-istrixxun tal-kunsens muri fil-qiegħ tal-paġna fuq is-siti web tagħna, jew permezz tal-widget proposta fin-naħa ta’ fuq ta’ din il-paġna.

Aħna ma naħżnux cookies analitiċi mingħajr il-kunsens tiegħek minn qabel.

Jekk tiddeċiedi li ma tesprimix il-qbil tiegħek, jiġifieri billi tinjora l-mistoqsija, aħna mhux se naħżnu l-cookies.

Jekk tibdel fehemtek wara, tista’ tbiddel l-għażla inizjali tiegħek permezz tal-widget disponibbli hawn fuq.

Jekk tippreferi li ma tiġix traċċat, tista’ tattiva wkoll il-faċilità “Do not track” disponibbli fil-brawżers kollha. Tista’ tattivaha billi taċċessa l-“Konfigurazzjoni” tal-brawżer tiegħek. 

Is-siti web tagħna jista’ jkun fihom links għal siti web oħra bil-cookies u l-politiki ta’ privatezza tagħhom stess li ma għandna l-ebda kontroll fuqhom. Nirrakkomandaw li taqra l-politika dwar il-cookies, il-politika dwar il-privatezza u t-termini u l-kundizzjonijiet tas-sit web ikkonċernat qabel ma tillowdjah.

Id-Direttiva 2002/58/KE tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika (Direttiva dwar il-privatezza u l-komunikazzjoni elettronika), ippubblikata f’Il-Ġurnal Uffiċjali tal-Unjoni Ewropea fil-31 ta’ Lulju 2002.

Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, ippubblikat f’Il-Ġurnal Uffiċjali tal-Unjoni Ewropea fil-21 ta’ Novembru 2018.

Id-Deċiżjoni tal-Bureau tal-Parlament Ewropew tas-17 ta’ Ġunju 2019 dwar ir-regoli ta’ implimentazzjoni relatati mar-Regolament (UE) 2018/1725 tal-Parlament Ewropew u tal-Kunsill dwar il-protezzjoni ta’ persuni fiżiċi fir-rigward tal-ipproċessar ta’ data personali mill-Istituzzjonijiet, Korpi, Uffiċċji u Aġenziji tal-Unjoni u dwar il-moviment liberu ta’ tali data, u li tħassar ir-Regolament (KE) Nru 45/2001 u d-Deċiżjoni Nru 1247/2002/KE.