Arafurasee

Arafurasee
Landskap met rotse by Imaluk-strand, Cox-skiereiland, Australië
Kaart van die Arafurasee
Koördinate:	9°30′S 135°0′O
Ligging:	Noordelike Gebied, Queensland (Australië), Indonesië
Soort:	See van die Stille Oseaan
Oppervlakte:	650 000 km² (250 000 myl²)
Gemiddelde diepte:	50–80 m (165–260 vt)
Maksimum diepte:	3 660 m (12 000 vt)
Lengte:	1 290 km (800 myl)
Breedte:	560 km (350 myl)
Eiland/e:	Aru-eilande, Kai-eilande, Nieu-Guinee, Tanimbar-eilande, Wessel-eilande, Yos Sudarso-eiland
Nedersettings:	Merauke (Indonesië)

Die Arafurasee (Engels: Arafura Sea, Indonesies: Laut Arafura) is 'n see aan die suidweste van die Stille Oseaan in Suidoos-Asië. Dit lê tussen die Maleise argipel in die weste, Nieu-Guinee (Indonesië) in die noorde en die vasteland van Australië (Noordelike Gebied en Queensland) in die suide. Die Arafurasee grens aan die Timorsee in die suidweste, die Bandasee in die noordweste en die Golf van Carpentaria in die suidooste.

Ligging van die Arafurasee

Die Arafurasee word deur die Torres-straat met die Koraalsee in die ooste verbind. Die see het 'n oppervlakte van sowat 650 000 km² en 'n gemiddelde diepte van 50–80 m. Dit is ongeveer 1 290 km (800 myl) van oos na wes, en ongeveer 560 km (350 myl) van noord na suid. Die Arafurasee is 'n tropiese see.

Die hele noordkus van die Arafurasee behoort aan die eilandnasie Indonesië, terwyl die suidkus aan Australië behoort. Die belangrikste nedersetting aan die see is Merauke in Indonesië.

Eksterne skakels

• Wikimedia Commons het meer media in die kategorie Arafurasee.