Ulmaceae

Chest artícol a l'è scricc in Lumbàrt, ortograféa orientàl unificàda.

Ulmaceae
Fòie e fröcc de Ulmus glabra
Classifigazion sientífiga
Regn: Plantae Division: Magnoliophyta Clas: Magnoliopsida Ùrden: Rosales Famìa: Ulmaceae Mirb.

La famìa de la Ulmaceae l'è 'na famìa de piànte che se càta suratöt endèle zòne temperàde de l'emisfér boreàl (Europa, Asia e Amèrica del Nòrt). Pupulasiù izolàde le se tróa apò a 'n Amèrica centràl, Amèrica del Sud, Nordàfrica e Indonésia, Envéce l'è mìa reprezentàda en Australàsia.

Descrisiù

La famìa la reönés piànte e arbùsti che g'ha fòie che cröda 'n envéren e che g'ha de le mucilàgini endèle fìbre de la fòia e de la scórsa. Le fòie i è sèmpe e le g'ha la bàze de fùrma mìa simétrica. I fiùr i è mìa tat sgargiàncc, i è ermafodìcc o unisesuài.

Sistemàtica

Per tradisiù, le Ulmaceae i éra 'nserìde edèl ùrden d ele Urticales, e maò 'ncö gh'è 'na part dei stüdiùs i la mèt amò sóta chèsto ùrden (p.ez. Species2000 [1]).

Stüde piö modèrni, sö bàze filogenética (compàgn de chèi del APG) i reconós mìa 'na validità autònoma a l'ùrden de le Urticales, e i mèt chèsta famìa endèl ùrden de le Rosales.

La famìa de le Ulmaceae l'è furmàda de chèsti zèner:

• Ulmus, l'ùlem, zèner tìpic de la famìa;
• Ampelocera
• Chaetachme
• Hemiptelea
• Holoptelea
• Phyllostylon
• Planera
• Zelkova

I zèner ché sóta 'nvéce i vé 'nserìcc endèle Ulmacee apéna de vergü óter stüdiùs, p.ez. Kew [2], e 'n quac óter envéce, p.es. APG II [3], söla bàze de stüde filogénetic, i a mèt envéce endèle Cannabacee:

• Aphananthe
• Celtis, el bagolàro
• Gironneria
• Lozanella
• Parasponia
• Pteroceltis
• Trema