Galego

Vexa na Galipedia o artigo acerca de «cravo».

cravo (sg: cravo; pl: cravos)

En enxeñaría, carpintaría e construción, un cravo é un obxecto delgado, alongado e duro, semellante aos alfinetes, de metal (ferro, aceiro ou unha aliaxe deste) rematado en punta, e cunha cabeza plana para ser espetado cun martelo ou unha pistola de cravos pneumática, usado como sistema de fixación.
- Exemplo: Antigamente os cravos eran de ferro forxado, e na actualidade son dunha aliaxe de aceiro.
(Botánica) Botón seco da flor do craveiro, que ten a forma dun cravo pequeno, cunha cabeza redonda formada polos pétalos e rodeada de catro puntas, que son as divisións do cáliz, de cor parda escura, olor moi aromático e agradábel, e sabor acre e picante; é medicinal e úsase como especia en diferentes condimentos.
- Exemplo: Botoulle ao guiso canela e cravo.
(Medicina) Tecido morto que se desprende dun furúnculo.
(Veterinaria) Tumor que sae nas patas dos cabalos entre o pelo e o casco.
(Coloquial) Dor agudo que causa pena.
- Exemplo: Unha vez tiven un cravo / cravado no corazón
  
  (Rosalía de Castro: Follas novas, do poema "Unha vez tiven un cravo").
(Coloquial) Persoa ou cousa molesta.
(Coloquial) Produto de comercio que non se vende.